الخبز العادي
طريقة اولى
كيلو دقيق حوالي من 4 الي 5 اكواب اخلطي
معه ملعقة ملح وبعدين ضيفيله 4 ملاعق سكر وملعقتين خميره خبزة وزيدي الميه بشوي بشوي واعجني لعند العجينه معاش تلصق في يدك وبعدين على قد ما تقدري اسبكيها اكثر من مره وخليها تخمر ساعه وبعد التخمير قرصيها 6 
قريصات وحلي كل قرص بالنشابه
ولفيه زي السويسرول او ( المقطع)
وحطيها ف الطاجين وجرحيها بالموس
وخليها تخمر ساعه او اكثر وسخني كوشتك ضروري الكوشه تكون ساخنه وشاعله من فوق ومن تحت وخليها شاعله حتى بعد دخلي الخبزه وقبل دخليها للكوشه شقيها بلاميته وادهنيها بالفرشه بميه او بخيها بخ ودخليها الكوشه وخلي عينك عليها لحد تتحمر وبس طلعتها مسحتها بشوي زيت بيش تلمع وصحه
الطريقة الثانية
الخبز الهش الطري
الطريقة
فنجال قهوة سكروملعقتان اكبار خميرة بيرة وكوبان ماء دافئ وكوبان دقيق تخلطيهم كويس وتخليهم يتختمر 10 دقايق
وبعدها ماتختمر ضيفي عليها نص كوب زيت و 3 اكواب دقيق وملعقة صغيرة ملح وتعجن جيدا وخليها تختمر وبعد التخمر شكليها زي ماتبي
وطيبيها وتكون كوشة سخونة وع درجة عالية من فوق وتحت حتى تنضج وصحتين
