لمكونات :
500 غ لحم المفروم
9 عظمات
250غ ريغوتة
200 غ سبناخ
100 غمعدنوس
150 غ جبن مرحي
1 بصلة صغيرة
1 مغرفة صغيرة كركم
زيت الزيتون
الملح والفلفل
الإعداد :
في طنجرة كبيرة، تسخن 4 مغارف ماكلة زيت زيتونة، نقصو البصل جويد ونقليوه من بعد نزيدو عليه اللحم المفروم وكل مرة نزيدو شوية ماء حتى يطيب .
كيف يطيب نقسموه على تلاثة كميات متساوية . ناخذو الكمية اللولة نزيدوها 3 عظمات مغرفة جبن و السبناخ المفور وشوية كركم وفلفل أكحل وملح ونحطو كل شي في الفور في طبق مدهون بشوية زبدة لمدة 10 دقايق. في نفس الوقت، ناخذو كمية ثانية من اللحم المفروم نزيده 3 كعبات عظم اخرين ، الريغوتة ، مغرفتين جبن وشوية كركم وفلفل أكحل وملح، نحطو الخليط على الخليط ألي قبلو ونرجعوه للفور مدة 10 دقايق اخرين. وبالنسبة لكمية الثالثة متع اللحام المفروم، نزيدو عليها 3 عظمات إلي بقاوولنا، نزيدو عليهم المعدنوس والجبن، شوية فلفل أكحل وكركم وملح، نخلطو مليح ونزيدوه على الطبقتين لوخرين، ونرجعو كل شي للفور لمدة 25 إلي 30 دقيقة وصحة وبشفاء