برغل ناعم

بنغمرو بمي دافية او باردة وبنتركو منقوع يا ليلة كاملة او عالاقل 3 ساعات وكل ما زادت فترة النقع كل ما البرغل افضل للطحن

بعد النقع بنصفيه منيح من ميتو وبنعصرو كويس

الشفرة الي بدنا نطحن فيها

بنحط البرغل ع دفعات

هاي بعد الطحن ولسا بحاجة شوي لحتى يصير كرة وحدة

لما العجين يصير ع شكل كرة هون بكون تمام بنشيلو وبنحط كمية تانية نطحنها

هي العجينة مبدئيا جاهزة هون الخطوة اختيارية الي بحب يضيف لحم مفروم معها او بالاصل يكون طحن لحم معها عالمحضرة هاي خطوة اختيارية بترجع للرغبة

هلأ العجينة بحطلها ملح وبهارات وفلفل وكمون وسماق ومن كلشي شوي شوي وبعجنها منيح بالبهارات

هي حبة بصل وسط حجمها بنجيب مبشرة بنبشر البصلة فوق العجينة

هلأ بعد ما نبشر البصل رح نبلش ندعك العجينة منيح بايدنا لحتى تتجانس كل المكونات ببعض ونترك العجينة ترتاح عالاقل ساعة وبنغطيها منيح واهم شي مرحلة دعك العجينة وتريحيها

هون بكل اريحية قدرت اشكل القرص وبكون جنبي صحن فيه شوية مي ونشا محلول يعني بمسح ايدي فيه بساعد انو يشكل بسرعة وما تلزق العجينة بالايد وما تشقق
الشكل المبدئي للقرص

هلا القرص جاهزة للحشو

الحشو:
عبارة عن لحم مفروم بنقلبو عالغاز شوي لتنشف ميتو وبنجيب بصلة مفروم ناعم وزيت زيتون بنقلب اللحمة والبصلة
سوا بنحط فلفل وملح وبهارات مشكلة وشوية دبس فلفل وسماق وبنقلب منيح نتركهم عنار هادية وبنصفي الللحمة من الزيت والادام منيح قبل الحشي عصفاية بنحط الحشوة وبنصفيها وبعدها بنحشي فيها

متل ما شايفين غزارة زيت القلي وحامي كتير وبنقلب الحبات منيح وما بنكتر بالقلاية يعني 4 حبات بالقلاية بس انا بجرب اول مرة بحط قرص لحتى حمي الزيت فيه اكتر

و هاي الكبة بعد ما خلصنا من القلي