خلطة ورق العنب :
3*اكواب رز مصري منقوع
* 10 حبات بصل متوسطة الحجم مفروم فرم ناعم وبتحطي عليهم ملح وفلفل أسمر وبتفركيهم منيح.
4*حبات بندورة مفرومة فرم ناعم
4*حبات فليفلة مفرومة فرم ناعم
*بقدونس انا حطيت كمية كبيرة
*ولحمة مفرومة بتبلها وبسويها شوي عالنار وبحطها فوق الرز وبخلط كل المقادير مع شوية كاري وملح حسب الرغبة وفلفل احمر ونعنع ناشف وبابريكا وبهار مشكل وكمية منيحة زيت زيتون و3ملاعق صلصة وتقلبيهم منيح.
وبتحشي اليالنجي وبتحطي بقاع الطنجرة بطاطا وبصل وبندورة وتوم غير مقشر وبتصفي ورق العنب او اليالنجي وبس تخلصي حطي عليه مية مبهرة بملح وفلفل اسمر صلصة مكعبتين ماجي وكوباية زيت زيتون وخليها تستوي على نار هادئة .. بس تستوي اعصري عليها ليمونة او اتنين حسب رغبتك
….. وصحة وعافية