مقادير العجينة:
2 كغ فارينة
ملعقة صغيرة ملح
ماء دافىء
مقادير الحشو:
2 كغ بصل
150 غ فلفل أخضر
ملعقة و نصف (ملعقة أكل) طماطم معجون
2 ملاعق أكل فلفل أحمر مرحي ( فمّا اليّ اسميه فلفل هروس و إلّا فلفل زينة)
ملعقة صغيرة كركم
ملعقة صغيرة تابل و كروية
ملعقة صغيرة و نصف ملح
ثوم
قليل من الشحم العلوش لمن يحب ذلك يمكن الاستغناء عليه
نصف كاس زيت زيتونة
الطريقة:
نقطعو البصل و الفلفل الأخضر و نضيفولهم بقية مكونات الحشو مع الثوم المفروم و نحطوهم على النار
نبقو نحركو في الخليط لين اطيب , لو كان حسيت أنو باش يلصق زيدلو ملعقة أكل ماء و حرك
هذا الحشو بعد ما طاب
توا نمشو نحضرو العجينة
نخلطو الفارينة و الملح بالماء الدافىء و نعجنو مليح لين نتحصلو على عجينة متماسكة نقسموها على 12 كرة عجين ( 12 كرة عجين باش نتحصلو على 6 خبزات)
نحلو بالقلقال 2 كرات من العجين كل واحدة على حد
نحطو الحشو في واحدة منهم
و نغطوها بعدها بالأخرى
و توا نحطوها في طجين مخصص لطهي الخبز
و هذا شكلها بعد ما طيب