المقادير

600 غ نواد كوكو

250 غ سكر ناعم

1 ملعقة قهوة فانيلا

مبشور حبة ليمون

2 ملاعق كبار عصير الليمون

6 ملاعق كبار حليب مجفف

3 بيض

قليل من ماء زهر

الطلية :

غ600 سكر ناعم

4 ملاعق ماء زهر

3 ملاعق كبار عصير الليمون

3 ملاعق كبار عسل

بياض بيضة

زيت
للحشو معجون من اختيارك او نسلي كراميل

الطريقة : اخلطي جميع الكونات مع بعض .لمي بالبيض وحدة وراء وحدة حتى تتحصلي على مزيج متماسك
*ممكن بيضتين يكفوك

بلي طابع مخبز البيضة بقليل من الماء .ضعي فيه عجينة النواد كوكو المحشية بالنيسلي كراميل او معجون من اختيارك او شكولا, وكوريها

ثم حطي الحبات في بلاتو مدهون بالزيت و دخليهم الفرن على نار هادئة يشيحو فقط يعني يخرجو بيض خليهم يبردو

* بالنسبة للطلية
الفكرة انك متحطيش المكونات السائلة و مبعد تشيحي بالسكر لاااااااااا العكس ضعي 600 غ السكر الناعم هو الأول و زيدي المكونات السائلة بالشوي الماء زهر و الليمون و العسل و بياض البيض و الويت في الأخير باه يمد اللمعة

مع الخلط المستمر بواسطة شوكة أو خلاط يدوي

يكون خليط يابس و يبدى يتعدل بالشوي حتى توصلي للخليط لي يرضيك جربي غطسي فيه حبة اذا مساحش يعني مليح

أنا كنت دائما نخاف من القلاساج لا ميجمدش لكن الآن خلاص الحمد لله ولى ينجحلي بالطريقة هدي

ممكن تحطي الملون لي تحبي أنا خليتو أبيض

_ بعد ما يبردو حبات المخبز غطسي بالحبة في الطلية و خليها تجف ليلة كاملة فوق الشبك  » تاع الفرن » و قبل ما تجف خلاص اعملي بعجينة اللوز وردات صغار  » أصغر طابع في المجموعة » و حطيهم بجنب بعض كما خو موضح في الصور و فوق كل حبة حطي باغل صغيرة

كي يجفو رشي عليهم brillant alimantaire

و ضعيهم في كيسات

* ملاحضة

نفس القالب و القلاساج ممكن تعملي منو مخبز البيضة باللوز

* المكونات هدي ممكن تعمليها بقالب على شكل قلب او دائرة او اي قالب عادي مش محتم الطابع تاع البيضة