تحتاجين عجينه السيراميك البيضاء
طريقة عمل عجينه السيراميك اضغط هنا
اول حاجة تعملى دايرة وتدببيها من ناحيه هتبقى عامله زى المخروط
هتستخدمى سلك تخين او ساتكه سنان او حتى اعواد الشيش طاووق وتغمسى طرفها فى الغرا
وتحطيها فى الناحيه العريضه للمخروط بالشكل ده
وتسيبيها تنشف ليلة كامله قبل ما تبدأى شغل عليها
تجيبى قطعه صغيرة من العجينه مع ملاحظه ان المفروض انها مش تتعرض للهوا لانها بتنشف يعنى الجزء اللى مش بتستخدميه تحطيه فى كيس بلاستيك ومحكم على العجينه نفسها
نبدا نشكل البتلات
اول جزء هيبقى 3 بتلات
نقطع تلات كور متساويه
ونبدأ نفردهم بحيث يبقى الجزء العلوى منها عريض
وملاحظه كمان كل ما يبقى البتله رقيقة كل ما يبقى شكلها احسن
وبعدين نبدأ نجمع اول محيط
اول حاجة تشتغلى بسرعة شويه
هتحطى اول بتله وتلزقيها كويس بايدكي ولو محتاجه شويه غرا تحطى غرا بسيط يدوب مسحه متكتريش
بس تسيبى طرف سايب منها زى الصورة
البتله رقم 2
هتحطيها على نص البتله رقم واحد من الناحيه اللى ملزوقه كويس
وتثبتيها كويس على الناحيتين زى الصورة
البتله التالته نفس الطريقة فى منتصف البتله التانيه
ولاحظى انك لما تلزقى البتله التالته على الناحيتين
الاولى هتيجى عليها علشان كده سيبنا الناحيه الخارجيه مثبتنهاش
اول محيط
ممكن يبقى ورده الاول بس اعملى سبله يعنى ورق صغير عليها
وتبقى ورده لسه متفتحتش كلها
لاحظوا ان المحيطات التاليه نس الفكرة مع مراعاه ان عدد البتلات بيكتر يعنى التانى 5 بتلات والثالث 7
هنحط البتله على نص البتله اللى قبلها
ونسيب طرف اول بتله مفتوح علشان هيقفل على البتله الاخيرة
ممكن تكبرى المحيطات زى ما انتى عاوزة بس يفضل لو هتكترى تسيبى الورده تستريح وتنشف شويه بين كل محيط
والتانى يعنى ربع ساعه كده
ويفضل ان هى تتعلق مقلوبه علشان الورق مينماش على بعضه
فى المحيطات الاخيرة هنتنى طرف الورق تنيه بسيطه بايديكى او بخله السنان علشان يدى شكل طبيعى شويه
ملاحظه كمان المحيطات الاخيرة يفضل انك تلزقيها من قاعدة البتله يعنى من تحت بس
وعلشان تسهلى على نفسك امسكى الورده بالمقلوب وده هيساعد كتير