اولا خبز التورتيلا
************
المقادير
2 كوب دقيق
معلقه كبيره خميره فوريه
معلقه صغيره ملح
معلقه صغيره سكر
2 معلقه كبيره حليب بودره
2 معلقه كبيره زيت
مايه دافيه للعجن
الطريقه
نعجن المقادير كلها مع بعض لحد ما تتكون عجينه ناعمه ومتماسكه نسيبها تخمرنكورها كور متوسطه الحجم عشان تكون سهله معايا في الفرد
نبتدي نفرد واحده واحده علي نار هاديه نسويه في طاسه تيفال ونقلب فيه لحد مايحمر من الجانبين نلفه في فوطه نضيفه عشان يفضل طري معايا

ثانيا الشاورما
***********
نقطع اللحمه حوالى كيلو بتاعتي شرايح رفيعه نجهز التتبيله
3 م ك خل
ــ ربع كوب عصير ليمون
ــ 2 م بهارات شاورما
ــ 1 م ض بصل بودر + ثوم بودر
ــ فلفل اسود ــ كمون ــ1/2 معلقة قرفةوقرنفل رشه جوزة الطيب
_معلقة بابريكا
حطى كل التوابل و الخل و الليمون في الخلاط و اضربيهم ثم حطيها على اللحمةثم قلبى بأيدك كويس علشان التتبيلة توصل للحمه كلها ثم ندخلها التلاجه
نسيبها في التلاجه قبلها بيوم تانى يوم
في طاسه تيفال علي النارنحط شويه زيت يسخنوا اوووي نحط اللحمه وعلي نار عاليه نقلب باستمرار التقليب علي طول وبرضه علي نار عاليه حتى تشرب ميتها وتستوى فيهااستمري في التقليب حتى تنشف خالص وتاخد لون
وعلي ما تستوي نقطع طماطم وفلفل شرايح ـ بقدونس ـ بصل شرايح رشه سماق نقلبهم كله مع بعضه وننزل بيهم علي الشاورماونقلبهم كلهم سوا
ملحوظه
نجيب فحمة صغيرة ونولعها على البوتجازونحط فى وسط الحلة ورقة فويل ونحط فيها الفحمة نحط نقطة زيت واول ما تعمل دخان نقفل الغطا ونسبها دقيقتين
نقدم معاها سلطه طحينه
( ربع كوب طحينه سايله ــ 2معلقه زبادي ــ خل ــ ليمون ــ كمون ــ 2فص توم ناعم ــ فلفل اسود_ملح سماق ماء)
للتقديم
ندهن الخبز بتاعنا بالطحينه نحط الشاورما وعليها معلقه طحينه نلفه كويس