لمقادير
2 معلقة كبيرة عصير ليمون
2 معلقة كبيرة زيت زيتون
2 كزبرة خضراء
2 عدد فص ثوم
2 فص ثوم (مفروم)
2 معلقة صغيرة زعتر (فريش مفروم)
2 زعتر (فريش عيدان)
2 بقدونس طازج
1 معلقة صغيرة بابريكا
1 ليمونة (مقطعة شرائح)
1 سمكة كاملة (كيلو ونصف)
1 معلقة صغيرة ملح
1 قرن فلفل حامى
1 معلقة صغيرة كركم
½ معلقة صغيرة بهارات سمك
مقادير صوص حار للسمك المشوى
2 معلقة كبيرة عصير ليمون
2 فص ثوم (مفروم)
1 قرن فلفل حامى (مقطع لقطع صغيرة)
1 كوب كزبرة خضراء
1 معلقة صغيرة كمون
¼ كوب زيت زيتون
الخطوات
هنفتح السمكة من بطنها وننضفها كويس جدا وبالسكينة هنعمل فى السمكة شقوق طولية من الجنبين وندعكها كويس بالملح ونسيبها على جنب.
فى بولة هنضيف معلقتين زيت الزيتون ومعلقتين عصير ليمون والزعتر والبابريكا و بهارات السمك و الثوم ونخلطهم كويس جدا
بفرشة هندهن السمكة بالتتبيلة من الجنبين.
هنحشى بطن السمكة بعيدان الكزبرة والزعتر والبقدونس وقرن فلفل حامى وفصين ثوم صحاح وشرائح الليمون.
هنجيب صاجة شوى وندهنها بجزء من التتبيلة ونفرش الأرضية بعيدان كزبرة وزعتر ونضيف السمكة ولو متبقى جزء من التتبيلة هنضيفه على الوش.
هندخل السمكة الفرن على درجة حرارة 180 لمدة ربع ساعة وبعدين نحطها 5 دقائق تحت الشواية
هنحضر صوص للسمكة
فى طاسة على النار هنخلط جميع المكونات.
هنستمر فى التقليب لحد ما الخليط يتجانس وبكده يصبح جاهز للتقديم.
بعد ما السمكة تخرج من الفرن هنضيف عليها الصوص وبالهنا والشفا.
