اولا : حمصي الشعرية الباكستانية . (الباكيت كلو) مع شوية زبدة لما يصير لونها ذهبي افرديها بالصينية حطي العسل الأسود اللي بيجي مع الراميل فوق الشعرية بطريقة عشوائية بعدين اعملي باكتين كريم كراميل مع الحليب اول ما يسخنوا طفى النار واسكبيها على طول فوق الشعرية بس ماتسكبيها كلها… غطي وجه الشعرية وبس والباقي اتصرفي فيه .. وسيبي الشعرية شوي لين ماتشرب الكراميل وتنفش شوي بتكوني انتي عملتي الطبقة التانية
ثانيا : غمسي بسكويت بالنسكافيه وغطي على وجه الشعرية كلو بس طبقة وحدة اعملي
ثالثا: حطي علبة قشطة نستلة مع اربع باكيتات كريمة دريم وايب مع علبة حليب مكثف محلي مع خمس حبات جبنة كيري او المراعي المهم تكون جبنة بالقشطة واضربيهم منيح بالمضرب الكهربائي (مو بالمونليكس بيخربوا ) ولما يصير قوامو متل الكريمة فيكي تحطي منكهات اذا بتحبي ( بودرة كاكو او ؛ نسكافيه او فيكي تتركيه بنكهة الحليب) وافرديها فوق طبقة البسكويت وبعدين زينيها بصوص الشوكولا او الفراولة او التوفي حسب الرغبة وحطيها بالثلاجة اقل شيء 6 ساعات عشان تجمد وتقدري تقطعيها …..وصحة وعافية
