المكونات
2كوباية لبن طازج
ربع كوباية رز
نص كوباية كريمة لباني
2م كريم شانتيه بودر
4معلقة كبار سكر
1 معلقة نشا ذرة
وفانيليا
للتزين
جوز هند والزبيب وبندق مجروش

الطريقة
حنجيب كاسارول وحنحط فيها (اللبن والكريما اللباني)الرز المغسول
والسكر
حنرفعها على النار لحد ما تغلي غلوة واحدة بس او تسخن جداً ونطفي عليها ونسيبها لحوالي ساعة . والسبب اننا بنخلي الرز يستوي براحتة من أثر الحرارة وحيبقى بعد كدة كريمي جداً وبيدوب لوحدة بس محافظ على شكلة وحجمه . والأهم انك لما تيجي تاكلي الرز بلبن تحسي اني الرز كان منقوع في لبن مش في مية وطعمه فعلا طعم اللبن ثم حنولع النار على الرز بلبن تاني ونسيبها تغلي كدة حوالى 10ق مع التقليب المستمر وحنلاحظ ان الرز استوى نهائي وبقي طري وجميل.حنذوب معلقة النشا والكريم شانتيه في مية عادية وحنضيفها على الرز بلبن مع التحريك المستمر بالمعلقة الخشب ونقلب ثم معلقه الفانليا اخر شىء ثم طفى النار وسبيه يهدي شوية وصبيته في الكاسات وزينيه ثم يدخل الثلاجه ويقدم بارد